Тыдзень, прысвечаны Дню роднай мовы, завяршыўся ў нашай школе Святам роднай мовы. Яно распачалося з самага ранку. На першым паверсе навучэнцы ў народных касцюмах віталі ўсіх настаўнікаў і калег па-беларуску , дарылі паштоўкі з пажаданнямі і цукеркі. Гучалі беларускія песні і вершы. Апоўдзень ў актавай зале адбылася канцэртная праграма “Сэрцам роднага слова краніся”, падчас якой гучалі беларускія ветлівыя словы і жарты, загадкі і фразеалагізмы. Стварыць цудоўную атмасферу свята дапамаглі песні і вершы, інсцэніроўка беларускай казкі. Пявучая, мілагучная і неўміручая беларуская мова гучала з вуснаў настаўнікаў і навучэнцаў. Ва ўтульнай атмасферы прагучалі палымяныя прызнанні: беларуская мова – гэта наша сіла і натхненне, гэта наша сучаснасць і наша будучыня!
